Gwasanaethau anableddau dysgu

Sut rydym yn arolygu

Rydym yn ystyried y ffordd y mae gwasanaethau yn:

• Cyrraedd y Safonau Gofynnol Cenedlaethol ar gyfer Gwasanaethau Gofal Iechyd Annibynnol yng Nghymru
• Cydymffurfio â Deddf Safonau Gofal 2000
• Cydymffurfio â Rheoliadau Gofal Iechyd Annibynnol (Cymru) 2011
• Cydymffurfio â Deddf Iechyd Meddwl 1983, Deddf Galluedd Meddyliol 2005, ac yn gweithredu'r Trefniadau Diogelu wrth Amddifadu o Ryddid
• Cyrraedd unrhyw safonau proffesiynol perthnasol eraill a gweithredu'n unol â chanllawiau proffesiynol perthnasol eraill lle y bo'n gymwys

Fel arfer, arolygiadau dirybudd a gynhelir o wasanaethau anableddau dysgu. Mae hyn yn ein galluogi i weld y gwasanaethau fel maent yn gweithredu fel arfer. Ni chaiff y gwasanaeth unrhyw rybudd ymlaen llaw am arolygiad dirybudd.

Cynhelir yr arolygiadau gan o leiaf un arolygydd o AGIC ac adolygydd allanol (sydd â phrofiad proffesiynol perthnasol). Bydd arolygwyr yn siarad â chleifion am eu profiadau o ofal.

Mae'r ddogfen ganlynol yn rhoi canllawiau ar yr hyn y byddwn yn ei ystyried yn ystod arolygiad. Os hoffech gopi o'n gweithlyfr arolygu, cysylltwch â agic.arolygu@llyw.cymru gan nodi pa fath o weithlyfr arolygu sydd ei angen arnoch.