Gwybodaeth ar sut y gallwch canslo neu gwneud newidiadau i eich cofrestriad
Practisau deintyddol preifat a gwasanaethau gofal iechyd annibynnol
Mae angen i chi roi gwybod i ni am newidiadau i'ch gwasanaeth. Ceir canllawiau a ffurflenni y gallwch eu defnyddio ar y dudalen sut i roi gwybod i ni am newidiadau i'ch gwasanaeth ar ein gwefan.
Bydd hefyd angen i chi anfon ffurflen gais atom os hoffech ganslo eich cofrestriad, gwneud newidiadau i'ch cofrestriad neu os bydd yr Unigolyn Cyfrifol neu'r Rheolwr Cofrestredig yn newid.
Sut i ganslo eich cofrestriad â ni
Os hoffech ganslo eich cofrestriad â ni, bydd angen i chi anfon ffurflen cais i ddiddymu cofrestriad wedi'i chwblhau.
Sut i wneud newidiadau i'ch cofrestriad â ni neu ei amrywio
Os hoffech wneud newidiadau i'ch cofrestriad bydd angen i chi anfon ffurflen cais i amrywio neu dynnu amod cofrestriad presennol wedi'i chwblhau ac anfon y ffi briodol atom.
Mae ein proses ar gyfer asesu ceisiadau i amrywio neu ddileu amod cofrestriad presennol yn debyg i'r ffordd rydym yn asesu ceisiadau newydd i gofrestru â ni. Pan fydd cais yn cael ei wneud am newidiadau sylweddol, bydd angen i ni ymweld â'r gwasanaeth fel rhan o'n hasesiad.
Newidiadau i'r Unigolyn Cyfrifol
Os yw'r Unigolyn Cyfrifol ar gyfer eich gwasanaeth yn newid neu wedi newid bydd angen i chi gwblhau ffurflen newid gwybodaeth yr Unigolyn Cyfrifol.
Fel arfer gallwn brosesu'r newidiadau hyn drwy ddefnyddio'r wybodaeth ar y ffurflen gais yn unig.
Newidiadau i'r Rheolwr Cofrestredig
Os yw'r Rheolwr Cofrestredig ar gyfer eich gwasanaeth yn newid neu wedi newid bydd angen i'r rheolwr newydd gwblhau ffurflen cais i gofrestru fel rheolwr newydd mewn lleoliad sydd eisoes wedi cofrestru gydag Arolygiaeth Gofal Iechyd Cymru ac anfon y ffi briodol atom.
Bydd ein proses ar gyfer asesu ceisiadau i gofrestru rheolwyr gwasanaethau sydd eisoes wedi cofrestru â ni yn cynnwys prosesu cais DBS (gwasanaethau gofal iechyd annibynnol) a gofyn am eirdaon. Ar gyfer rheolwyr gwasanaethau gofal iechyd annibynnol, mae hefyd angen adroddiad meddygol gan feddyg teulu'r unigolyn arnom. Bydd angen i ni gyfweld â'r rheolwr newydd fel rhan o'n hasesiad hefyd.
Am fwy o wybodaeth, gweler canllawiau.
Y gyfraith
Mae Rheoliadau 9 a 12 o Reoliadau Deintyddiaeth Breifat (Cymru) 2017 a Rheoliadau 10 a 13 o Reoliadau Gofal Iechyd Annibynnol (Cymru) 2011 yn disgrifio pwy sy'n gallu bod yn Unigolyn Cyfrifol a gofynion y rôl.
Mae Rheoliadau 11 a 12 o Reoliadau Deintyddiaeth Breifat (Cymru) 2017 a Rheoliadau 12 a 13 o Reoliadau Gofal Iechyd Annibynnol (Cymru) 2011 yn disgrifio'r gofynion ar gyfer rôl rheolwr.
Dogfennau
-
Ffurflen cais i Ddiddymu Cofrestriad , math o ffeil: DOC, maint ffeil: 406 KBCyhoeddedig:406 KB
-
Ffurflen cais i amrywio neu ddiddymu amod cofrestru presennol ar gyfer sefydliad , math o ffeil: DOC, maint ffeil: 407 KBCyhoeddedig:407 KB
-
Newid gwybodaeth yr Unigolyn Cyfrifol (UC) , math o ffeil: DOCX, maint ffeil: 90 KBCyhoeddedig:90 KB
-
Arweiniad – y wybodaeth i’w darparu pan fo Unigolion Cyfrifol yn newid , math o ffeil: PDF, maint ffeil: 494 KBCyhoeddedig:494 KB